Hosea
Hosea’s marriage to Gomer becomes a living parable of Israel’s spiritual adultery. Judgment is real, yet God will allure his people and heal their apostasy.
Aleppo Codex
Hosea 6
1א לכו ונשובה אל יהוה כי הוא טרף וירפאנו יך ויחבשנו 2ב יחינו מימים ביום השלישי יקמנו ונחיה לפניו 3ג ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ 4ד מה אעשה לך אפרים מה אעשה לך יהודה וחסדכם כענן בקר וכטל משכים הלך 5ה על כן חצבתי בנביאים--הרגתים באמרי פי ומשפטיך אור יצא 6ו כי חסד חפצתי ולא זבח ודעת אלהים מעלות 7ז והמה כאדם עברו ברית שם בגדו בי 8ח גלעד קרית פעלי און--עקבה מדם 9ט וכחכי איש גדודים חבר כהנים דרך ירצחו שכמה כי זמה עשו 10י בבית ישראל ראיתי שעריריה (שערוריה) שם זנות לאפרים נטמא ישראל 11יא גם יהודה שת קציר לך בשובי שבות עמי {פ}
Aleppo Codex. Public domain or openly licensed historic text.