Job
Job, a blameless man, suffers catastrophic loss. Friends offer tidy explanations; Job protests; God speaks from the whirlwind. The book refuses easy answers and ends with encounter, restoration, and worship.
Aleppo Codex
Job 35
1א ויען אליהו ויאמר 2ב הזאת חשבת למשפט אמרת צדקי מאל 3ג כי-תאמר מה-יסכן-לך מה-אעיל מחטאתי 4ד אני אשיבך מלין-- ואת-רעיך עמך 5ה הבט שמים וראה ושור שחקים גבהו ממך 6ו אם-חטאת מה-תפעל-בו ורבו פשעיך מה-תעשה-לו 7ז אם-צדקת מה-תתן-לו או מה-מידך יקח 8ח לאיש-כמוך רשעך ולבן-אדם צדקתך 9ט מרב עשוקים יזעיקו ישועו מזרוע רבים 10י ולא-אמר--איה אלוה עשי נתן זמרות בלילה 11יא מלפנו מבהמות ארץ ומעוף השמים יחכמנו 12יב שם יצעקו ולא יענה-- מפני גאון רעים 13יג אך-שוא לא-ישמע אל ושדי לא ישורנה 14יד אף כי-תאמר לא תשורנו דין לפניו ותחולל לו 15טו ועתה--כי-אין פקד אפו ולא-ידע בפש מאד 16טז ואיוב הבל יפצה-פיהו בבלי-דעת מלין יכבר
Aleppo Codex. Public domain or openly licensed historic text.