Proverbs
Proverbs gathers sayings that shape skillful, godly life—speech, work, family, justice, and the contrast between wisdom and folly. Lady Wisdom calls in the streets; the fool despises instruction.
Aleppo Codex
Proverbs 16
1א לאדם מערכי-לב ומיהוה מענה לשון 2ב כל-דרכי-איש זך בעיניו ותכן רוחות יהוה 3ג גל אל-יהוה מעשיך ויכנו מחשבתיך 4ד כל פעל יהוה למענהו וגם-רשע ליום רעה 5ה תועבת יהוה כל-גבה-לב יד ליד לא ינקה 6ו בחסד ואמת יכפר עון וביראת יהוה סור מרע 7ז ברצות יהוה דרכי-איש גם-אויביו ישלם אתו 8ח טוב-מעט בצדקה-- מרב תבואות בלא משפט 9ט לב אדם יחשב דרכו ויהוה יכין צעדו 10י קסם על-שפתי-מלך במשפט לא ימעל-פיו 11יא פלס ומאזני משפט--ליהוה מעשהו כל-אבני-כיס 12יב תועבת מלכים עשות רשע כי בצדקה יכון כסא 13יג רצון מלכים שפתי-צדק ודבר ישרים יאהב 14יד חמת-מלך מלאכי-מות ואיש חכם יכפרנה 15טו באור-פני-מלך חיים ורצונו כעב מלקוש 16טז קנה-חכמה--מה-טוב מחרוץ וקנות בינה נבחר מכסף 17יז מסלת ישרים סור מרע שמר נפשו נצר דרכו 18יח לפני-שבר גאון ולפני כשלון גבה רוח 19יט טוב שפל-רוח את-עניים (ענוים) מחלק שלל את-גאים 20כ משכיל על-דבר ימצא-טוב ובוטח ביהוה אשריו 21כא לחכם-לב יקרא נבון ומתק שפתים יסיף לקח 22כב מקור חיים שכל בעליו ומוסר אולים אולת 23כג לב חכם ישכיל פיהו ועל-שפתיו יסיף לקח 24כד צוף-דבש אמרי-נעם מתוק לנפש ומרפא לעצם 25כה יש דרך ישר לפני-איש ואחריתה דרכי-מות 26כו נפש עמל עמלה לו כי-אכף עליו פיהו 27כז איש בליעל כרה רעה ועל-שפתיו (שפתו) כאש צרבת 28כח איש תהפכות ישלח מדון ונרגן מפריד אלוף 29כט איש חמס יפתה רעהו והוליכו בדרך לא-טוב 30ל עצה עיניו לחשב תהפכות קרץ שפתיו כלה רעה 31לא עטרת תפארת שיבה בדרך צדקה תמצא 32לב טוב ארך אפים מגבור ומשל ברוחו מלכד עיר 33לג בחיק יוטל את-הגורל ומיהוה כל-משפטו
Aleppo Codex. Public domain or openly licensed historic text.