Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 101
1א לדוד מזמור חסד-ומשפט אשירה לך יהוה אזמרה 2ב אשכילה בדרך תמים-- מתי תבוא אלי אתהלך בתם-לבבי בקרב ביתי 3ג לא-אשית לנגד עיני-- דבר-בליעל עשה-סטים שנאתי לא ידבק בי 4ד לבב עקש יסור ממני רע לא אדע 5ה מלושני (מלשני) בסתר רעהו-- אותו אצמית גבה-עינים ורחב לבב-- אתו לא אוכל 6ו עיני בנאמני-ארץ-- לשבת עמדי הלך בדרך תמים-- הוא ישרתני 7ז לא-ישב בקרב ביתי-- עשה רמיה דבר שקרים-- לא-יכון לנגד עיני 8ח לבקרים אצמית כל-רשעי-ארץ להכרית מעיר-יהוה כל-פעלי און
Aleppo Codex. Public domain or openly licensed historic text.