Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 108
1א-ב שיר מזמור לדוד 2נכון לבי אלהים אשירה ואזמרה אף-כבודי 3ג עורה הנבל וכנור אעירה שחר 4ד אודך בעמים יהוה ואזמרך בלאמים 5ה כי-גדול מעל-שמים חסדך ועד-שחקים אמתך 6ו רומה על-שמים אלהים ועל כל-הארץ כבודך 7ז למען יחלצון ידידיך הושיעה ימינך וענני 8ח אלהים דבר בקדשו--אעלזה אחלקה שכם ועמק סכות אמדד 9ט לי גלעד לי מנשה ואפרים מעוז ראשי יהודה מחקקי 10י מואב סיר רחצי--על-אדום אשליך נעלי עלי-פלשת אתרועע 11יא מי יבלני עיר מבצר מי נחני עד-אדום 12יב הלא-אלהים זנחתנו ולא-תצא אלהים בצבאתינו 13יג הבה-לנו עזרת מצר ושוא תשועת אדם [ (Psalms 108:14) יד באלהים נעשה-חיל והוא יבוס צרינו ]
Aleppo Codex. Public domain or openly licensed historic text.