Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 144
1א לדוד ברוך יהוה צורי-- המלמד ידי לקרב אצבעותי למלחמה 2ב חסדי ומצודתי משגבי ומפלטי-לי מגני ובו חסיתי הרודד עמי תחתי 3ג יהוה--מה-אדם ותדעהו בן-אנוש ותחשבהו 4ד אדם להבל דמה ימיו כצל עובר 5ה יהוה הט-שמיך ותרד גע בהרים ויעשנו 6ו ברוק ברק ותפיצם שלח חציך ותהמם 7ז שלח ידיך ממרום פצני והצילני ממים רבים מיד בני נכר 8ח אשר פיהם דבר-שוא וימינם ימין שקר 9ט אלהים--שיר חדש אשירה לך בנבל עשור אזמרה-לך 10י הנותן תשועה למלכים הפוצה את-דוד עבדו--מחרב רעה 11יא פצני והצילני מיד בני-נכר אשר פיהם דבר-שוא וימינם ימין שקר 12יב אשר בנינו כנטעים-- מגדלים בנעוריהם בנותינו כזוית-- מחטבות תבנית היכל 13יג מזוינו מלאים-- מפיקים מזן אל-זן צאוננו מאליפות מרבבות-- בחוצותינו 14יד אלופינו מסבלים אין-פרץ ואין יוצאת ואין צוחה ברחבתינו 15טו אשרי העם שככה לו אשרי העם שיהוה אלהיו
Aleppo Codex. Public domain or openly licensed historic text.