Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 34
1א לדוד-- בשנותו את-טעמו לפני אבימלך ויגרשהו וילך 2ב אברכה את-יהוה בכל-עת תמיד תהלתו בפי 3ג ביהוה תתהלל נפשי ישמעו ענוים וישמחו 4ד גדלו ליהוה אתי ונרוממה שמו יחדו 5ה דרשתי את-יהוה וענני ומכל-מגורותי הצילני 6ו הביטו אליו ונהרו ופניהם אל-יחפרו 7ז זה עני קרא ויהוה שמע ומכל-צרותיו הושיעו 8ח חנה מלאך-יהוה סביב ליראיו ויחלצם 9ט טעמו וראו כי-טוב יהוה אשרי הגבר יחסה-בו 10י יראו את-יהוה קדשיו כי-אין מחסור ליראיו 11יא כפירים רשו ורעבו ודרשי יהוה לא-יחסרו כל-טוב 12יב לכו-בנים שמעו-לי יראת יהוה אלמדכם 13יג מי-האיש החפץ חיים אהב ימים לראות טוב 14יד נצר לשונך מרע ושפתיך מדבר מרמה 15טו סור מרע ועשה-טוב בקש שלום ורדפהו 16טז עיני יהוה אל-צדיקים ואזניו אל-שועתם 17יז פני יהוה בעשי רע להכרית מארץ זכרם 18יח צעקו ויהוה שמע ומכל-צרותם הצילם 19יט קרוב יהוה לנשברי-לב ואת-דכאי-רוח יושיע 20כ רבות רעות צדיק ומכלם יצילנו יהוה 21כא שמר כל-עצמותיו אחת מהנה לא נשברה 22כב תמותת רשע רעה ושנאי צדיק יאשמו [ (Psalms 34:23) כג פדה יהוה נפש עבדיו ולא יאשמו כל-החסים בו ]
Aleppo Codex. Public domain or openly licensed historic text.