Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 55
1א למנצח בנגינת משכיל לדוד 2ב האזינה אלהים תפלתי ואל-תתעלם מתחנתי 3ג הקשיבה לי וענני אריד בשיחי ואהימה 4ד מקול אויב--מפני עקת רשע כי-ימיטו עלי און ובאף ישטמוני 5ה לבי יחיל בקרבי ואימות מות נפלו עלי 6ו יראה ורעד יבא בי ותכסני פלצות 7ז ואמר--מי-יתן-לי אבר כיונה אעופה ואשכנה 8ח הנה ארחיק נדד אלין במדבר סלה 9ט אחישה מפלט לי-- מרוח סעה מסער 10י בלע אדני פלג לשונם כי-ראיתי חמס וריב בעיר 11יא יומם ולילה--יסובבה על-חומתיה ואון ועמל בקרבה 12יב הוות בקרבה ולא-ימיש מרחבה תך ומרמה 13יג כי לא-אויב יחרפני ואשא לא-משנאי עלי הגדיל ואסתר ממנו 14יד ואתה אנוש כערכי אלופי ומידעי 15טו אשר יחדו נמתיק סוד בבית אלהים נהלך ברגש 16טז ישימות (ישי מות) עלימו--ירדו שאול חיים כי-רעות במגורם בקרבם 17יז אני אל-אלהים אקרא ויהוה יושיעני 18יח ערב ובקר וצהרים אשיחה ואהמה וישמע קולי 19יט פדה בשלום נפשי מקרב-לי כי-ברבים היו עמדי 20כ ישמע אל ויענם-- וישב קדם סלה אשר אין חליפות למו ולא יראו אלהים 21כא שלח ידיו בשלמיו חלל בריתו 22כב חלקו מחמאת פיו-- וקרב-לבו רכו דבריו משמן והמה פתחות 23כג השלך על-יהוה יהבך-- והוא יכלכלך לא-יתן לעולם מוט-- לצדיק [ (Psalms 55:24) כד ואתה אלהים תורדם לבאר שחת-- אנשי דמים ומרמה לא-יחצו ימיהם ואני אבטח-בך ]
Aleppo Codex. Public domain or openly licensed historic text.