Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 60
1א למנצח על-שושן עדות מכתם לדוד ללמד 2ב בהצותו את ארם נהרים-- ואת-ארם צובה וישב יואב ויך את-אדום בגיא-מלח-- שנים עשר אלף 3ג אלהים זנחתנו פרצתנו אנפת תשובב לנו 4ד הרעשתה ארץ פצמתה רפה שבריה כי-מטה 5ה הראית עמך קשה השקיתנו יין תרעלה 6ו נתתה ליראיך נס להתנוסס-- מפני קשט סלה 7ז למען יחלצון ידידיך הושיעה ימינך ועננו (וענני) 8ח אלהים דבר בקדשו--אעלזה אחלקה שכם ועמק סכות אמדד 9ט לי גלעד ולי מנשה ואפרים מעוז ראשי יהודה מחקקי 10י מואב סיר רחצי--על-אדום אשליך נעלי עלי פלשת התרועעי 11יא מי יבלני עיר מצור מי נחני עד-אדום 12יב הלא-אתה אלהים זנחתנו ולא-תצא אלהים בצבאותינו [ (Psalms 60:13) יג הבה-לנו עזרת מצר ושוא תשועת אדם ] [ (Psalms 60:14) יד באלהים נעשה-חיל והוא יבוס צרינו ]
Aleppo Codex. Public domain or openly licensed historic text.