Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 84
1א למנצח על-הגתית לבני-קרח מזמור 2ב מה-ידידות משכנותיך-- יהוה צבאות 3ג נכספה וגם-כלתה נפשי-- לחצרות יהוה לבי ובשרי-- ירננו אל אל-חי 4ד גם-צפור מצאה בית ודרור קן לה-- אשר-שתה אפרחיה את-מזבחותיך יהוה צבאות-- מלכי ואלהי 5ה אשרי יושבי ביתך-- עוד יהללוך סלה 6ו אשרי אדם עוז-לו בך מסלות בלבבם 7ז עברי בעמק הבכא-- מעין ישיתוהו גם-ברכות יעטה מורה 8ח ילכו מחיל אל-חיל יראה אל-אלהים בציון 9ט יהוה אלהים צבאות שמעה תפלתי האזינה אלהי יעקב סלה 10י מגננו ראה אלהים והבט פני משיחך 11יא כי טוב-יום בחצריך מאלף בחרתי--הסתופף בבית אלהי מדור באהלי-רשע 12יב כי שמש ומגן-- יהוה אלהים חן וכבוד יתן יהוה לא ימנע-טוב להלכים בתמים [ (Psalms 84:13) יג יהוה צבאות-- אשרי אדם בטח בך ]
Aleppo Codex. Public domain or openly licensed historic text.