Psalms
The Psalter is Israel’s hymnbook: lament, praise, thanksgiving, royal psalms, and wisdom. It trains the heart to speak to God in trouble and in joy, and it points ahead to the Messiah.
Aleppo Codex
Psalms 92
1א מזמור שיר ליום השבת 2ב טוב להדות ליהוה ולזמר לשמך עליון 3ג להגיד בבקר חסדך ואמונתך בלילות 4ד עלי-עשור ועלי-נבל עלי הגיון בכנור 5ה כי שמחתני יהוה בפעלך במעשי ידיך ארנן 6ו מה-גדלו מעשיך יהוה מאד עמקו מחשבתיך 7ז איש-בער לא ידע וכסיל לא-יבין את-זאת 8ח בפרח רשעים כמו עשב ויציצו כל-פעלי און להשמדם עדי-עד 9ט ואתה מרום-- לעלם יהוה 10י כי הנה איביך יהוה-- כי-הנה איביך יאבדו יתפרדו כל-פעלי און 11יא ותרם כראים קרני בלתי בשמן רענן 12יב ותבט עיני בשורי בקמים עלי מרעים-- תשמענה אזני 13יג צדיק כתמר יפרח כארז בלבנון ישגה 14יד שתולים בבית יהוה בחצרות אלהינו יפריחו 15טו עוד ינובון בשיבה דשנים ורעננים יהיו [ (Psalms 92:16) טז להגיד כי-ישר יהוה צורי ולא-עלתה (עולתה) בו ]
Aleppo Codex. Public domain or openly licensed historic text.