Proverbs
Proverbs gathers sayings that shape skillful, godly life—speech, work, family, justice, and the contrast between wisdom and folly. Lady Wisdom calls in the streets; the fool despises instruction.
Aleppo Codex
Proverbs 10
1א משלי שלמה בן חכם ישמח-אב ובן כסיל תוגת אמו 2ב לא-יועילו אוצרות רשע וצדקה תציל ממות 3ג לא-ירעיב יהוה נפש צדיק והות רשעים יהדף 4ד ראש--עשה כף-רמיה ויד חרוצים תעשיר 5ה אגר בקיץ בן משכיל נרדם בקציר בן מביש 6ו ברכות לראש צדיק ופי רשעים יכסה חמס 7ז זכר צדיק לברכה ושם רשעים ירקב 8ח חכם-לב יקח מצות ואויל שפתים ילבט 9ט הולך בתם ילך בטח ומעקש דרכיו יודע 10י קרץ עין יתן עצבת ואויל שפתים ילבט 11יא מקור חיים פי צדיק ופי רשעים יכסה חמס 12יב שנאה תערר מדנים ועל כל-פשעים תכסה אהבה 13יג בשפתי נבון תמצא חכמה ושבט לגו חסר-לב 14יד חכמים יצפנו-דעת ופי-אויל מחתה קרבה 15טו הון עשיר קרית עזו מחתת דלים רישם 16טז פעלת צדיק לחיים תבואת רשע לחטאת 17יז ארח לחיים שומר מוסר ועזב תוכחת מתעה 18יח מכסה שנאה שפתי-שקר ומוצא דבה הוא כסיל 19יט ברב דברים לא יחדל-פשע וחושך שפתיו משכיל 20כ כסף נבחר לשון צדיק לב רשעים כמעט 21כא שפתי צדיק ירעו רבים ואוילים בחסר-לב ימותו 22כב ברכת יהוה היא תעשיר ולא-יוסף עצב עמה 23כג כשחוק לכסיל עשות זמה וחכמה לאיש תבונה 24כד מגורת רשע היא תבואנו ותאות צדיקים יתן 25כה כעבור סופה ואין רשע וצדיק יסוד עולם 26כו כחמץ לשנים--וכעשן לעינים כן העצל לשלחיו 27כז יראת יהוה תוסיף ימים ושנות רשעים תקצרנה 28כח תוחלת צדיקים שמחה ותקות רשעים תאבד 29כט מעוז לתם דרך יהוה ומחתה לפעלי און 30ל צדיק לעולם בל-ימוט ורשעים לא ישכנו-ארץ 31לא פי-צדיק ינוב חכמה ולשון תהפכות תכרת 32לב שפתי צדיק ידעון רצון ופי רשעים תהפכות
Aleppo Codex. Public domain or openly licensed historic text.