Proverbs
Proverbs gathers sayings that shape skillful, godly life—speech, work, family, justice, and the contrast between wisdom and folly. Lady Wisdom calls in the streets; the fool despises instruction.
Aleppo Codex
Proverbs 9
1א חכמות בנתה ביתה חצבה עמודיה שבעה 2ב טבחה טבחה מסכה יינה אף ערכה שלחנה 3ג שלחה נערתיה תקרא-- על-גפי מרמי קרת 4ד מי-פתי יסר הנה חסר-לב אמרה לו 5ה לכו לחמו בלחמי ושתו ביין מסכתי 6ו עזבו פתאים וחיו ואשרו בדרך בינה 7ז יסר לץ--לקח לו קלון ומוכיח לרשע מומו 8ח אל-תוכח לץ פן-ישנאך הוכח לחכם ויאהבך 9ט תן לחכם ויחכם-עוד הודע לצדיק ויוסף לקח 10י תחלת חכמה יראת יהוה ודעת קדשים בינה 11יא כי-בי ירבו ימיך ויוסיפו לך שנות חיים 12יב אם-חכמת חכמת לך ולצת לבדך תשא 13יג אשת כסילות המיה פתיות ובל-ידעה מה 14יד וישבה לפתח ביתה-- על-כסא מרמי קרת 15טו לקרא לעברי-דרך המישרים ארחותם 16טז מי-פתי יסר הנה וחסר-לב ואמרה לו 17יז מים-גנובים ימתקו ולחם סתרים ינעם 18יח ולא-ידע כי-רפאים שם בעמקי שאול קראיה
Aleppo Codex. Public domain or openly licensed historic text.