Proverbs
Proverbs gathers sayings that shape skillful, godly life—speech, work, family, justice, and the contrast between wisdom and folly. Lady Wisdom calls in the streets; the fool despises instruction.
Aleppo Codex
Proverbs 23
1א כי-תשב ללחום את-מושל-- בין תבין את-אשר לפניך 2ב ושמת שכין בלעך-- אם-בעל נפש אתה 3ג אל-תתאו למטעמותיו והוא לחם כזבים 4ד אל-תיגע להעשיר מבינתך חדל 5ה התעוף (התעיף) עיניך בו ואיננו כי עשה יעשה-לו כנפים כנשר ועיף (יעוף) השמים 6ו אל-תלחם--את-לחם רע עין ואל-תתאו למטעמתיו 7ז כי כמו שער בנפשו-- כן-הוא אכול ושתה יאמר לך ולבו בל-עמך 8ח פתך-אכלת תקיאנה ושחת דבריך הנעימים 9ט באזני כסיל אל-תדבר כי-יבוז לשכל מליך 10י אל-תסג גבול עולם ובשדי יתומים אל-תבא 11יא כי-גאלם חזק הוא-יריב את-ריבם אתך 12יב הביאה למוסר לבך ואזנך לאמרי-דעת 13יג אל-תמנע מנער מוסר כי-תכנו בשבט לא ימות 14יד אתה בשבט תכנו ונפשו משאול תציל 15טו בני אם-חכם לבך-- ישמח לבי גם-אני 16טז ותעלזנה כליותי-- בדבר שפתיך מישרים 17יז אל-יקנא לבך בחטאים כי אם-ביראת-יהוה כל-היום 18יח כי אם-יש אחרית ותקותך לא תכרת 19יט שמע-אתה בני וחכם ואשר בדרך לבך 20כ אל-תהי בסבאי-יין-- בזללי בשר למו 21כא כי-סבא וזולל יורש וקרעים תלביש נומה 22כב שמע לאביך זה ילדך ואל-תבוז כי-זקנה אמך 23כג אמת קנה ואל-תמכר חכמה ומוסר ובינה 24כד גול (גיל) יגיל אבי צדיק יולד (ויולד) חכם וישמח- (ישמח-) בו 25כה ישמח-אביך ואמך ותגל יולדתך 26כו תנה-בני לבך לי ועיניך דרכי תרצנה (תצרנה) 27כז כי-שוחה עמקה זונה ובאר צרה נכריה 28כח אף-היא כחתף תארב ובוגדים באדם תוסף 29כט למי אוי למי אבוי למי מדונים (מדינים) למי שיח-- למי פצעים חנם למי חכללות עינים 30ל למאחרים על-היין-- לבאים לחקר ממסך 31לא אל-תרא יין כי יתאדם כי-יתן בכיס (בכוס) עינו יתהלך במישרים 32לב אחריתו כנחש ישך וכצפעני יפרש 33לג עיניך יראו זרות ולבך ידבר תהפכות 34לד והיית כשכב בלב-ים וכשכב בראש חבל 35לה הכוני בל-חליתי-- הלמוני בל-ידעתי מתי אקיץ אוסיף אבקשנו עוד
Aleppo Codex. Public domain or openly licensed historic text.